ما هو التاريخ اليوم؟
لا..مش قصدي التاريخ الميلادي..اقصد الهجري؟
صعب؟
نسهلها شويه؟
احنا ف اي شهر هجري دلوقت؟طيب ف اي سنه هجريه طيب؟
نسهلها كمان ؟
طيب احنا بسنه:1429 ولا 1419 ولا 1426 هجري؟
((اختياري))
شهر رمضان ايه ترتيبه وسط الشهور؟
هو: 5 ولا1 ولا 8 ولا 11؟
كام الفرق بين ايام السنه الهجريه والسنه الميلاديه بالايام؟
الفرق: 9 ايام ولا50 يوم ولا 150 يوم؟
صلاه الفجر؟ ايه الاول ركعتي السنه ولا ركعتي الفرض؟
صعبه؟طيب بلاش اي ساعه يؤذن لصلاه الفجر؟
جرب تتذكر مواعيد اذان كل صلاه ... واحكم بنفسك
مساعده:
ترتيب واسماء الفروض
فجر- ظهر-عصر-مغرب-عشاء
القرأن الكريم؟تقدر تقول لنا عن الارقام دي؟
عدد السور -الاجزاء -الاحزاب -الايات -الصفحات - السجدات؟
طيب كام رقم تليفون حافظ من ارقام اصحابك وقرايبك؟
كام سعه موبيلك؟وكام رقم متسجل عليه؟
طب تقدر تكتب جمله واحده مفيده عن
عبد الله بن حذافه السهمي؟
او ام سلمه؟
او رابعه العدويه؟
او هاشم الرفاعي؟
صعبه؟؟؟طيب ايه رائيك تكتب صفحه كامله عن:
عمرو دياب؟
ولا اقولك نانسي عجرم؟
ولا هيفاء ؟
ولا حتي جورج قرداحي ؟
مين هو صاحب لقب(ذو النون)؟؟ ومين هو صاحب لقب(ذو النور)؟؟؟ومين صاحب لقب ((ذو النورين))؟؟؟؟؟
صعب... صعب....صعب
طب مين صاحب لقب سوبر ستار السنه دي؟ولا اقولك خليها السنه اللي فاتت؟
طيب كام كان عمرشيخ احمد ياسين لما استشهد رحمه الله؟
صعبه؟اممممم
طيب هو اصلا كان بيشتغل ايه اصلا ؟ كان قاعد بيعمل ايه يعني ف الدنيا؟
طيب نبدل السؤال؟
ياتري ايه اسم العامل اللي بيجيب لنا الطلبات من محلات الهوت دوج والبيتزا وبيوصلهلنا للبيت؟
مرت عليك الاسماء دي قبل كده؟؟؟
القصواء -ذو الفقار -الحاقب؟؟
صعبه اصلا... طب قول كده 10 محطات فضائيه غنائيه علي مدار 24 ساعه
امتي اخر مره فتحت القرأن الكريم؟
لا.. لا... قصدي في غير رمضان يعني؟ كام مره بالتقريب؟
طيييييييييييب بلاش كده
امتي كان اخر مره فتحت ايميلك علي النت؟؟؟
هو اصلا لما بتصحي من النوم بتقول كلام ولا بتدعي ولا ايه الظروف؟
ولو حد عطس جمبك المفروض نعمل احنا ايه؟
طيب نسهلها شويه ... مين فينا اللي هيقول هاي احنا ولا اللي كان بيعطس
كام عدد الصحابه - والصحابيات؟ طب تقدر تقول كلمتين عن حد منهم طيب؟
طب مين من المطربين والممثلين مستعد تقولنا اخباره سريع سريع كده؟
طب قول لنا اسماء الفواكه والخضار اللي ذكرت ف القرأن الكريم؟
بنقول اسماء بس ..مش بنقول اسماء السور وارقام الايات
طب خلاص .. خلاص نبدل السؤال كده
ايه اللي متقلش من اسماء الفواكه والخضار في اغاني الفيديو كليب السنه دي!!!!!!!!!
كام بتاخد من الوقت عشان تقرا جزء واحد من القرأن؟
طب ايه كانت مده اخر فيديو كليب شوفتو بالدقايق لووووووو سمحت؟؟؟
قصدي قصدي بالعاده بيكون اد ايه يعني؟
بصراحه بصراحه بتصلي في المسجد؟
طب كااااام بطوله مباره رااااااحت عليك؟
هو اول مابترود علي تليفونك بتقول ايه؟؟؟
اهلا - هاي -سلام عليكم -الووووووو - صباح الخير؟
امتي اخر مره بوست..
اه... بوست
يد امك؟
رأس ابوك؟
جبين اختك؟
خد اخوك؟
طب امتي ناوي تعملها تاني كده؟؟؟
يعني هي اصلا عاده؟ ولا هو ف المناسبات ولا ايه؟
طيب بلاش بوس.. خليها سلام باليد لليد
طب ايه رائيك لو نسهلها!!!!وقلنا سلام بالعين من بعيد لبعيد
تنكسف تعملها؟
كام مره قلت احبك؟؟؟
ايوة .... كااااااااااااام مره قلتها::
لزوجتك؟
لزوجك؟
لامك؟
لابوك؟
لاخوك؟
لاختك؟
كم يوم فرق بين العيدين؟؟
ايوة اللي هما عيد الفطر ... وعيد الاضحي
صعبه؟؟
طيب بعد م العيد الاول م خلص.. في حد من قرايبك زورته تاني؟ولا اصلا انت مروحتش لحد ف العيد؟؟؟
استني...هو اصلا العيد بيكون امتي ف السنه؟
يعني في اي شهر هجري بيكون العيد فيه؟
بلاااااااااش عارفه صعبه يمكن
طب كام عيد بيحتفل بيه المسلمين طول السنه؟
ممكن يكونو كام 5اعياد -ولا 15 عيد - ولاااا150 عيد
مساعده:عيد الفلوس+عيد اللحمه=2
كااام ندوة للشيخ محمد حسان سمعتها؟؟؟
طب كام شريط عندك للمشايخ والعلماء؟؟
طب بلاش كام مره فتحت الاذاعه عشان تسمع لحد منهم؟
صحيح مر عليك اسم قناه فضائيه كده اسمها اسمها؟؟؟؟؟
المجد - الناس
استني هو اصلا ايه تخصصهم القنوات دي اصلا اصلا يعني؟
علي فكره دي قنوات فضائيه مش مجلات حائط
طيب اي البوم بالظبط راح عليك تسمعو الصيف ده؟
هو ايه المسلسل اللي معرفتش تتابعوا ف رمضان السنه دي ونفسك يتعاد تاني؟
ولا مش بتتفرج علي التليفزيون اوى يعني
طب خلينا ف النت
اللامكان - اللا زمان - التفاعليه -المجانيه - تنوع الطبقات - سهوله الاستخدام
كل الحاجات دي تخلي النت ده مركز دعوى من الدرجه الاولي لاي داعيه
جه ف بالك يوم من الايام انك تخلي كافر يسلم علي ايدك؟
او تهدي عاصي لطريق الصواب؟
او تعمل بكلام ربنا(((وجعلناكم شعوبا وقبائل لتعارفوا)))
كام مره قريت رساله اسلاميه وصلتك علي ايميلك لاخرها؟؟
وكام مره انت بعتها لحد؟؟ومتبقاش خايف ان حد يقول عنك تفكيرك بدائي
ومش استايل او عايش من زمان انت
طب وايه نهايه الموضوع ده يا تري يا هل تري؟
اساسا هو انت كنت ناوي توصل ف القراءه لحد فيييين بالظبط فيه؟
كاام مره بعت رساله للقنوات الفضايئه اس ام اس يعني؟
عادي عادي خليك فيري
طب كام رساله بعتها فيها ذكر الله ؟؟
كام مره بعت رساله لحد تفكره ان يوم الجمعه يفضل قراءه سوره الكهف؟
هو انت بتمشي ولا الطرق معوجه وبتفرض نفسها عليك مثلا؟
يعني انت عارف بتعمل ايه ف نفسك؟ ولا الدنيا سبهللا ؟
طب في نيه نتغير؟ ولا كده احنا فل الفل؟